Plantun de Prouvènço

Pèr coumpara dos planto d'encò nostre

Phalaris arundinacea subsp. arundinacea & Scrophularia nodosa

Phalaris arundinacea subsp. arundinacea

Poaceae Graminaceae

Noms en français : Baldingère, Alpiste faux roseau.

Descripcioun :
Lou grame-riban es uno grando planto que douno d'èr à-n-un canèu, subretout li fueio. Fai peréu de rizoumo. Li lengueto soun longo e lis espiguet soun un pau plat, de 4 à 7 mm emé 3 flour, uno ermafroudito e dos esterlo que fan uno escaumo cihado de 1,5 mm.

Usanço :
D'ùni meno de Phalaris caupon de triptamino e d'àutri proudu empouisounant dins si fueio.

Port : Grando erbo
Taio : 0,5 à 1,5(2) m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Phalaris
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 25 cm
Flourido : Printèms - Estiéu

Sòu : Ca
Autour basso e auto : 0 à 1400 m
Aparado : Noun
Mai à setèmbre

Liò : Roubino - Palun - Ribiero
Estànci : Termoumediterran à Mesoumediterran
Couroulougi : Bourealo
Ref. sc. : Phalaris arundinacea subsp. arundinacea L., 1753

Erbo-dis-escrolo

Scrophularia nodosa

Scrophulariaceae

Nom en français : Scrofulaire noueuse.

Descripcioun :
L'erbo-dis-escrolo douno d'èr à l'erbo-dóu-siège, pamens èi mens forto, sa tijo èi carrado mai sènso alo e pleno (fotò). Ei gaire coumuno au nostre, aleva dins lis Aup marino. Trachis dins li relarg fres.

Usanço :
Coume soun noum lou dis, l'erbo-dis-escrolo èro emplegado pèr gari (o pulèu sougna) lis escrolo que soun de boufigo (fotò) que vènon dins lou còu en rapport emé la tuberculòsi que ié disien à l'Age-Mejan, en latin, struma o morbus regius (mau de rèi). A l'Age-Mejan li rèi an lou poudé de gari lis escrofo ("écrouelles" en francés). A forto doso la planto pourrié èstre empouisounanto.